Zuzendaria: Imanol Elizasu Lasa
Imanol Elizasu Lasa abesbatzen musikaren munduko profesional ospetsua da. Bere ibildibe musilak luzeak koru zuzendari, pianista eta abeslari rolak hartzen ditu. Gabriel Baltesen babespean, Musikenen osatu zituen koru zuzendaritzako goi ikasketak. Nazioarteko hainbat jaialdi eta lehiaketatan parte hartu du abesbatza zuzendari gisa. Besteak beste, Tolosan, Cantonigrosen eta Manlleun (Katalunia), Torreviejan, Shaoxingen (Txina), Castelnaudaryn, Akizen eta Mont De Marsanen (Frantzia), Llangollen (Erresuma Batua), Shorndorfen eta Altensteigen (Alemania) izan da. Maiz, abesbatzen federazioek eta hezkuntza sailek gonbidatzen dute abesbatzen ikastaroak eta tailerrak emateko.
Imanolek pianoko eta ganbera-musikako goi-mailako ikasketak ere egin ditu Donostian, Maruxa Llorente eta Cristian Ifrimen babespean. Albert Jimenez Atenelle maisuarekin piano ikasketak sakondu zituen, eta Londresko Guildhall School of Music & Dramaren interprete-titulua lortu zuen, kalifikazio gorenarekin.
Gainera, Juan Eraso maisuaren ahots-teknikako eskolak jaso zituen. Baxu-baritono bakarlari gisa, hainbat errezitaldi eskaini ditu, besteak beste, Duo del Valle, Orchestre Catalunion Bayonne - Côte Basque, Laetitia Casabianca, Didier Boiture, Valérie Fayet eta Michel Sendrezekin elkarlanean. Zortzi urtez, ahots teknikako eskolak eman zituen Baionako Maurice Ravel Kontserbatorioan.
Gorputz-adierazpena eta eszenaratzea: Aitor Gabilondo
Aitor Gabilondo, Zaria Koru Eskolako interpretazio irakaslea, 1974an jaio zen. Gipuzkoako eta Europako gazteen abesbatzan parte hartuz hasi zuen bere ibilbidea abesbatzen munduan. EHUko Musika Irakasletzen eta Musikoterapian tituluduna da. Gainera, antzerkia ikasi zuen Donostiako TAEn.
Bere ibilbidean zehar, Aitorrek rol desberdinak bete ditu aktore, gidoilari, zuzendari, kantari eta musika irakasle gisa. Arlo desberdinetan egin du lan, hezkuntzan, telebistan, antzerkian eta irratian. Gainera, Juan Mari Beltranekin hiru disko ekoizten lagundu du.
Zaria Koru Eskolan, Aitorrek interpretazio-eskolak ematen ditu eta eszenak zuzentzen ditu, antzerkiaren eta musikaren arloan duen esperientzia eta ezagutza ikasleekin partekatuz.
Musika tailerra: Ane Aramburu
Ane Aramburu Haur Hezkuntzako hezitzailea da, Plaiaundi HHn trebatua. Pikler eta Montessori metodologietan oinarritzen da bere ikuspegi pedagogikoa, eta haurren garapen sozio-afektiboa eta autonomia sustatzen ditu. Gazteen begirale gisa koruko kanpamentu musikaletan eta beste ingurune batzuetan aritua, Anek zeinuen hizkuntza ere menderatzen du. Gainera, Zaria Abesbatzan aktiboki parte hartzen du eta ukelelea jotzen du, musikarekiko duen pasioa eta hezkuntza konpromisoa uztartuz.
